{"id":17624,"date":"2026-11-02T14:25:32","date_gmt":"2026-11-02T10:25:32","guid":{"rendered":"https:\/\/www.portail-esclavage-reunion.fr\/?p=17624"},"modified":"2026-11-02T14:25:34","modified_gmt":"2026-11-02T10:25:34","slug":"lo-23-me-journe-nasyonal-po-lomaj-bann-viktime-lesklavaj","status":"publish","type":"post","link":"https:\/\/www.portail-esclavage-reunion.fr\/re\/lo-23-me-journe-nasyonal-po-lomaj-bann-viktime-lesklavaj\/","title":{"rendered":"Lo 23 m\u00e9, journ\u00e9 nasyonal po lomaj bann viktime l\u00e9sklavaj"},"content":{"rendered":"<h2>Lo 23 m\u00e9 1998 in marsh an-silanse \u00e8k 40000 moun, s\u00fcrtou bann Gwadloup\u00e9in, Martinik\u00e9, Guyan\u00e9 \u00e8k R\u00e9nyion\u00e9, la-\u00e9spasse Paris depi <em>la place de la R\u00e9p\u00fcblique<\/em> jiska <em>la place de la Nation<\/em> po lo 150\u00e8m lan\u00e9 labolisyon l\u00e9sklavaj lo 27 avr\u00efy 1848.<\/h2>\n<p>O-kontr\u00e8r lo bann diskour ofissi\u00e8l L\u00e9ta frans\u00e9 t\u00e9 i v\u00eb m\u00e8te anl\u00e8r bann zabolisioniste frans\u00e9, lo bann marsh\u00ebr lo 23 m\u00e9 la-m\u00e8te anl\u00e8r an-promi\u00e9 la m\u00e9moir zot zans\u00e8t \u00ab \u00e9sklaviz\u00e9 \u00bb pandan pl\u00fczi\u00e8r si\u00e8k dann bann t\u00e9ritoir loutrem\u00e8r frans\u00e9.<br \/>\nA partir mouvman-la, la fin moi d\u2019novanm 1999, i m\u00e8te an-plasse lo <em>Comit\u00e9 de la marche du 23 mai 98<\/em> (CM98) po f\u00e9 rokon\u00e8te ofissi\u00e8lman la tr\u00e9te \u00e8k l\u00e9sklavaj dann bann koloni frans\u00e9 konm krim kontr\u2019 l\u00fcmanit\u00e9. Loi-la l\u00e9 adopt\u00e9 lo 21 m\u00e9 2001. Lo 29 avr\u00efy 2008 in sirk\u00fcl\u00e8r i rande ofissi\u00e8l la kom\u00e9morasyon shak lan\u00e9, lo 23 m\u00e9 journ\u00e9 nasyonal po lomaj bann viktime l\u00e9sklavaj. Sa l\u00e9 konfirm\u00e9, m\u00e9mtan la kom\u00e9morasyon lo 10 m\u00e9, par la loi lo 27 f\u00e9vri\u00e9 2017.<\/p>\n<p>Malgr\u00e9 i koze pa tro dessi l\u00fc par rapor lo 10 m\u00e9, journ\u00e9 nasyonal po la m\u00e9moir la tr\u00e8te, l\u00e9sklavaj \u00e8k zot labolisyon, depi 20 t-an in p\u00e9 partou an-Franse konm dann loutrem\u00e8r, n\u00e9na bann manif\u00e9stasyon po la kom\u00e9morasyon lo 23 m\u00e9. Tou\u00e7ala l\u00e9 d\u00e9ssid\u00e9, organiz\u00e9 par bann zassossiassyon po la m\u00e9moir \u00e8k bann kol\u00e9ktivit\u00e9 lokal. Zot i f\u00e9 m\u00e8mtan in rok\u00e9yman dovan in mon\u00fcman dr\u00e9ss\u00e9 po \u00e7am\u00e8m, \u00e9pila in manif\u00e9stasyon k\u00fcltir\u00e8l. Par \u00e9gzanp, lo 23 m\u00e9 2015, jiska 30 000 moun la-rotrouv\u00e9 <em>place de la R\u00e9publique<\/em> dann Paris po d\u00e9kouve bann tablo j\u00e9n\u00e9alojik f\u00e9 par bann militan CM98 apr\u00e9\u00e7a po in gran kons\u00e8r gwoka, b\u00e9l\u00e9 \u00e8k maloya.<\/p>\n<p>Po marke lo 20 t-an marsh-la, la kom\u00e9morasyon nasyonal lo 23 m\u00e9 2018, organiz\u00e9 par lo <em>Comit\u00e9 National pour l\u2019Histoire et la M\u00e9moire de l\u2019Esclavage<\/em> (CNMHE), la-\u00e9spasse dann minist\u00e8r Loutrem\u00e9r \u00e8k Mme Annick Girardin, ministre Loutrem\u00e8r \u00e9pila M. Jean Marc Ayrault, lansien promi\u00e9 ministre, pr\u00e9zidan lo GIP po <em>la Mission de la m\u00e9moire de l&#8217;esclavage et des traites et de leurs abolitions<\/em>.<\/p>\n<p>M. Fr\u00e9d\u00e9ric R\u00e9gent, pr\u00e9zidan lo CNMHE, la-anime lo s\u00e9r\u00e9moni. La-komanse par lo plantaj in \u00ab pi\u00e9dboi la libert\u00e9 \u00bb dan la kour lo minist\u00e8r Loutrem\u00e8r dovan bann demoun t\u00e9 invit\u00e9, \u00e9pila la-remi lo pri po lo t\u00e8ze, po ash\u00e8ve \u00e8k in ronnkoz\u00e9 dessi lo t\u00e8me <em>Les descendants d\u2019esclaves sont-ils encore victimes de l\u2019esclavage<\/em> ?<\/p>\n<p>Po so lan\u00e9 2020, po r\u00e9zon lo konfinman, la kom\u00e9morasyon nasyonal lo 23 m\u00e9 sora jist in d\u00e9po d\u2019j\u00e9rb \u00e8k in linstan rok\u00e9yman dovan lo mon\u00fcman lo sk\u00fclt\u00ebr Nicolas Cesbron la-f\u00e9 po bann viktime l\u00e9sklavaj kolonial, plasse Victor Hugo dan la kom\u00fcne Saint-Denis (93) anparmi dovan Mme Annick Girardin, ministre Loutrem\u00e8r, M. Laurent Russier, lo maire Saint-Denis, M. Serge Romana, pr\u00e9zidan l<em>a Fondation Esclavage et R\u00e9conciliation<\/em>, M. Emmanuel Gordien, pr\u00e9zidan lo CM98.<\/p>\n<p style=\"text-align: right;\"><strong>Bruno Maillard<\/strong> \/ Doct\u00ebr an Listoir<br \/>\nShersh\u00ebr associ\u00e9 \u00e8k lo Laboratoire CRESOI L\u00fcniversit\u00e9 La R\u00e9nyon<br \/>\nProfess\u00ebr vakat\u00e8r L\u00fcniversit\u00e9 Paris Est Cr\u00e9teil<br \/>\nManb lo kons\u00e8y siantifik la Fondation pour la M\u00e9moire de l\u2019Esclavage<\/p>\n","protected":false},"excerpt":{"rendered":"<p>Lo 23 m\u00e9 1998 in marsh an-silanse \u00e8k 40000 moun, s\u00fcrtou bann Gwadloup\u00e9in, Martinik\u00e9, Guyan\u00e9 \u00e8k R\u00e9nyion\u00e9, la-\u00e9spasse Paris depi la place de la R\u00e9p\u00fcblique jiska la place de la Nation po lo 150\u00e8m lan\u00e9 labolisyon l\u00e9sklavaj lo 27 avr\u00efy 1848. O-kontr\u00e8r lo bann diskour ofissi\u00e8l L\u00e9ta frans\u00e9 t\u00e9 i v\u00eb m\u00e8te anl\u00e8r bann zabolisioniste &hellip; <\/p>\n<p class=\"link-more\"><a href=\"https:\/\/www.portail-esclavage-reunion.fr\/re\/lo-23-me-journe-nasyonal-po-lomaj-bann-viktime-lesklavaj\/\" class=\"more-link\">Continue reading<span class=\"screen-reader-text\"> &#8220;Lo 23 m\u00e9, journ\u00e9 nasyonal po lomaj bann viktime l\u00e9sklavaj&#8221;<\/span><\/a><\/p>\n","protected":false},"author":5,"featured_media":17625,"comment_status":"open","ping_status":"open","sticky":false,"template":"","format":"standard","meta":{"_acf_changed":false,"footnotes":""},"categories":[1],"tags":[],"class_list":["post-17624","post","type-post","status-publish","format-standard","has-post-thumbnail","hentry","category-non-classifiee"],"acf":[],"_links":{"self":[{"href":"https:\/\/www.portail-esclavage-reunion.fr\/re\/wp-json\/wp\/v2\/posts\/17624","targetHints":{"allow":["GET"]}}],"collection":[{"href":"https:\/\/www.portail-esclavage-reunion.fr\/re\/wp-json\/wp\/v2\/posts"}],"about":[{"href":"https:\/\/www.portail-esclavage-reunion.fr\/re\/wp-json\/wp\/v2\/types\/post"}],"author":[{"embeddable":true,"href":"https:\/\/www.portail-esclavage-reunion.fr\/re\/wp-json\/wp\/v2\/users\/5"}],"replies":[{"embeddable":true,"href":"https:\/\/www.portail-esclavage-reunion.fr\/re\/wp-json\/wp\/v2\/comments?post=17624"}],"version-history":[{"count":2,"href":"https:\/\/www.portail-esclavage-reunion.fr\/re\/wp-json\/wp\/v2\/posts\/17624\/revisions"}],"predecessor-version":[{"id":17627,"href":"https:\/\/www.portail-esclavage-reunion.fr\/re\/wp-json\/wp\/v2\/posts\/17624\/revisions\/17627"}],"wp:featuredmedia":[{"embeddable":true,"href":"https:\/\/www.portail-esclavage-reunion.fr\/re\/wp-json\/wp\/v2\/media\/17625"}],"wp:attachment":[{"href":"https:\/\/www.portail-esclavage-reunion.fr\/re\/wp-json\/wp\/v2\/media?parent=17624"}],"wp:term":[{"taxonomy":"category","embeddable":true,"href":"https:\/\/www.portail-esclavage-reunion.fr\/re\/wp-json\/wp\/v2\/categories?post=17624"},{"taxonomy":"post_tag","embeddable":true,"href":"https:\/\/www.portail-esclavage-reunion.fr\/re\/wp-json\/wp\/v2\/tags?post=17624"}],"curies":[{"name":"wp","href":"https:\/\/api.w.org\/{rel}","templated":true}]}}