Toudsuite, nou lavé di programe komémorasyon-là va mète anlèr bann temp for, durab, fédératèr, épila noré : konféranse, kolok, konsèr, rézidanse zartis, paj internet, bann pri… Touçalà depi déssanm 2018 la-done le ton épila lo karaktéristik lané komémorasyon. Touçala in pé partou dann lil, jiska le Gran 20 déssanm dann Müzé Villèle, èk léfé la lümièr. Lo Müzé la akéy soir-là plüzièr vizitër, an-présanse bann zinvité Mozambik, çat la Fondation pour la mémoire de l’esclavage, çat l’Unesco.
Po lokazion, nou la-anvoye gran shantié Müzé Villèle : kan sra fini le gran kanpay travo, Müzé Sin-Jil-lé-0 va ogmante son messaj, astèr li va rakonte ossi listoir labitasyon èk lesklavaj.
Dann tout lané 2019, nou la-kontinié fé in travaïy listoir èk la mémoir, dann le soin permanan in souvnanse respé èk partaj. Nou la-travaïye dan lantante èk shèrshër, zartis, lassossiasyon, bann klèb, bann koléktivité. Nou la-ranforse bann gatür èk la proksimité, nou la-amare partenaria o-nivo lokal konm o-nivo nasyonal.
La plüpar zaksyon la été fé po lo 170èm laniversèr gran date istorik-la dann listoir La Franse èl çat La Rényon va resté. Toul pé lé déstiné po nouri, po inspiré Müzé Villèle a-venir. Nou vë lü réponde la demande bann Rényoné par rapor listoir, épila çat bann vizitër i vien rankonte not lil.
An-atandan, sé in deuzièm Gran 20 désanm va fèrme lané la komémorasyon.
Avèk in léspozisyon la jamé fé dessi lesklav Furcy, la prézantasyon deuzièm sorti le livr’ Regards croisés sur l’esclavage, la difuzion fim dessi gran lékran, vizite sonor, in pti « muzé nümérik », in kan rekonstitié, bonpé far-far… Épila in program artistik èk plüs in santène zartis (müzissien, dansër, rakontër, plastisien…).
Nou souète vréman zot va vnir an-kantité randévou-là èk not listoir.
Bon et Gran 20 Déssanm zot toute !
Cyrille Melchior,
Prézidan Konsèy départmantal La Rényon
Domèn Panon-Desbassyns
Sin-Jil-Lé-O
Tél. 0262 55 64 10
Kouryèl : musee.villele@cg974.fr
Po alé
Rouvèr depi mardi jiska dimansh : 9h30-12h30, 13h30-17h30
Fèrmé lindi , 1é janvié, 1é mai, 25 dessanm
Komité siantifik
Zinformasyon légal
