Kabar la parol
In ronnkozé po bann Réyoné i di koman zot i konprande lo nouvo müzé de Villèle.
Lo Müzé Villèle i tonbe apartir konm lo müzé labitasyon ék lésklavaj La Rényon. Nouvo vizé-la i passe par in shantié po ro-organize lo site lo müzé épila ro-majine léspasse lo müzé.
Demoun va gaingne di ossi çak zot i vé déssi lo site éksepré po lokazyon-la, depi lo 20 déssanm 2020 jiska lo 31 janvié 2021. www.kabarlaparole.re
Léspozisyon L’esclavage à Bourbon
Po lo gran 20 déssanm 2020, lo müzé Villèle i akèye léspozisyon L’esclavage à Bourbon majiné épila organizé par Zarshiv départmantal La Rényon. Léspozisyon-la i rakonte listoir lésklavaj La Rényon, lé sürtou po marmay lékol sinonça toute demoun ossi.
Léspozisyon « Koça i lé lo Kan ? »
In léspozisyon majiné par Prosper Eve, èk lo koudmin Alexis Miranville épila Lassossiasyon Kan Villèle, po aprande tout zafèr dessi lo « kan » – landroi ouça bann zésklav té i rèste déssi labitasyon.
Po konète plüs
Kolok Esclavage nouvelles approches
Müzé Villèle – 28 déssanm 2020
Po la sémèn l’Histoire de l’Indianocéanie, l’Association Historique Internationale de l’Océan Indien, ansanm lo soutien Départman La Rényon, la-prézante lo 28 novanm 2020 dann Müzé Villèle, listoir labitasyon épila lésklavaj, in kolok intèrnasyonal i apèle Esclavage, nouvelles approches.
Retrouve an-rodifüzyon lo bann zéshanj ouça bann shèrshër Moris, Madagaskar, Mozanbik, Paris, Lalmagn èk La Rényon la-partaje la manièr zot i regarde épila zot léspérianse dessi deu gran késtyon : L’esclavage dans les pays de la traite épila Abolition, réparation et patrimoine.
Loisirs. Nouvelles de Bourbon par Auguste Logeais
Bann koléksyon la Biblioték départmantal La Rényon la-vnü plü rish lané-la, èk in rekèy nouvèl, linprimri P.A. Genesley-Portier (Laval) la-édité lané 1845.
Nou koné pa gran-shoz par rapor livr’-la, parsk lavé inprime jist 50 lékzanplèr. Parèy po lotër. Nou koné li té i done la min dann in journal Laval, L’Echo de la Mayenne, épila i rossande lü la-rèste Bourbon rantr’ 1840 -1850 : son nom lé marké dann rossansman bann propriétèr zésklav Sin-Bénoi dann zané 1847-48.
Linprimër, dann son padport, i di bien na poin bonpé livr’ la-sorti. Lü la-relève lo bann tèks èk bann dékorasyon tipografik bien travaïyé. Malgré lotër navé in kantité préjüjé té la mode lépok-la, livr’-la lété plüto an-avanse parsk navé deu-troi kozman èk zistoir lété an-kréol. Apré in zimaj Bra-Kanot, lo livr’ i kontinüé èk 7 nouvèl jist dessi listoir maronaj, anplüs keça, 5 lète ouça lotër i rakonte son tourné-viré dan la sossiété èk la natür Bourbon. Livr’-la i amonte in bonpé kréasyon litérèr èk bann témoignaj istorik pokor sorti, püblié rienk deu-troi zané avan labolisyon lésklavaj, sürtou dann bann journal la Franse.
FET KAF, lo live la Fondation pour la mémoire de l’esclavage
Po la Fèt Kaf, in journé férié po fète lanivèrsèr labolisyon lésklavaj La Rényon, la Fondation pour la mémoire de l’esclavage i donne anou randé-vou dimansh-la 14 ér Paris (17èr La Rényon) po in lémission an-dirèk prézanté par Sébastien Follin.
1èr30 pou voyaje dan listoir, la kültir èk la sossiété La Rényon po konprande lo markaj lésklavaj èk lapré-ésklavaj la-lésse depi lané1848.
Ansanm Jacqueline Andoche, antropolog ; Jean Barbier, consérvatër Müzé Villèle ; Jérémy Boutier, shèrshër ; Gilles Gauvin, proféssër listoir; Mémona Hintermann-Afféjee, journaliste ; Maya Kamaty, artiste ; Carpanin Marimoutou, proféssër litératür ; Michèle Marimoutou, listoriène ; Ann O’aro, artiste ; Jean-François Rebeyrotte, shèrshër ; Christine Salem, artiste.
Archéologie préventive. Hommage à Wilhiam Zitte (Arkréolozi prévantive. In lomaj po Wilhiam Zitte)
Po léspozisyon-la, an-lomaj po Wilhiam Zitte, lartiste an-rézidanse Philippe Gaubert, la- oküpe deu landroi vréman sinbolik dann müzé Villèle : La shapél pointü èk lansien lopital po bann zésklav.
Shapèl pointü
Dann la shapèl pointü, son lidé lété d’kado lo bann vizitër in prézantasyon i maye zimaj èk lo son, po fé majine lam-érante Wilhiam Zitte. Ou i antande son voi mémtan bann foto lartiste an-rézidanse i défile dessi in lékran pandiyé pard’sü lotèl.
Lo bann zimaj Philippe Gaubert la-prande, lo promié i remonte dann zané1990, i prézante Wilhiam Zitte kissoi son kaz oussinon an-déor. Lo prézantasyon i ashève èk in shomin d’kroi W. Zitte la-majiné apréça bann brodëz malgash la-fé lané 2007 : inn kréasyon la Direction Régionale des Affaires Culturelles de La Réunion la-édé pou mète dann légliz Gran-Ilète (Salazi). Lo diosséz Sin-Dni La Rényon la-prète lëv romarkab-la.
Lansien lopital zésklav
Dann batiman patrimonial-la i passe in dokümantér pokor sorti i apèle In lomaj po Wilhiam Zitte. Arkréolozi prévantive. Anndan-la bann dalon lartist rényoné i done zot témoignaj. I passe ossi dessi lékran bann kréasyon vidéo fé dann latlié-kréasyon Hommage à Wilhiam Zitte èk bann zétüdian l’Ecole Supérieure d’Art de La Réunion. I prézante ossi in sélèksyon bann lëv orijinal lartist mém-tan in bann reprodüksyon i sorte dann bann koléksyon püblik konm privé.
Domèn Panon-Desbassyns
Sin-Jil-Lé-O
Tél. 0262 55 64 10
Kouryèl : musee.villele@cg974.fr
Po alé
Rouvèr depi mardi jiska dimansh : 9h30-12h30, 13h30-17h30
Fèrmé lindi , 1é janvié, 1é mai, 25 dessanm
Komité siantifik
Zinformasyon légal
