In lomaj po la proféssër, Jacqueline Ravelomanana

La komünoté lünivèrsité malgash lé an-dëy par rapor lo déssé la proféssër listoir Jacqueline Ravelomanana-Randrianjafinimanana, shèrshëz épila amontrëz répüté.

Transmète lo savoir lété son passion, èl la done toute son vie po lansègnman èk la roshèrsh, èl la- forme in bonpé d’jénérasyon zétüdian. Éspéssialist’ po la késtyon lo janre, son bann roshèrsh té inportan po mië konprande listoir lédükasyon épila la kondisyon bann jéne-fiy Madagaskar, sürtou dann zépok kolonial èk pré-kolonial.

Anplüs son légzijanse intélèktüèl, toute çat lavé konète aèl, i rapèle bien madame-la, té i porte atansyion demoun, jénérèz épila angajé poudbon dan la vie lünivèrsité. Anplüs keça son sansibilité artistik ansanm la pintür, la-done in vizion pèrsonèl par rapor la kültir malgash.

Proféssër Jacqueline Ravelomanana-Randrianjafinimanana, va lèsse la souvnanse in lamontrëz dévoué épila inn shèrshëz èk in degré langajman va ashève ète in modèl po demoun lakadémi malgash.

Lané 2025, té in lonër po lo müzé istorik de Villèlle domande aèl po partissipe ansanm toute son bann tèks siantifik dessi son site intèrnét, par rapor listoir lésklavaj dann Losséan Indien.
Son lartik, té i apèle Lésklavaj dann Madagaskar. Lo bann zésklav lo roi nou té fine oublyié, lété pübliyé dessi lo site intèrnèt lo müzé po la komémorasyon labolisyon lésklavaj La Rényon, lo 20 déssanm.