La Pietà lo Maronaj

Landroi : Rivièr dé Plui – Lo ronpoin Pont-Neuf
Lané 2017
Lartist : Marco Ah-Kiem
Skültir
Bazalt

Inogüré lo 19 févrié 2017, skültir bazalt-la i roprézante Héva èk Anshin, zésklav maron la-réfüjié dann sirk Salazi. Lartist la-roprézante Héva lé po soingne lo boubou Anshin.

Marco Ah-Kiem la-prande 5 mois po taye lëv-la dann in blok bazalt in sël tenan. Lartist 65 an i ésplike : « Té in lonër po mwin kan mwin la-réalize Piéta-la. Mwin té vë mète anlèr lamour èk lo maronaj. Héva èk Anshin la-ème azot plüs 25 an. Té in défi akoz promié foi mi fé in skültir grandër-la èk in sël rosh. Lété pa fassil po pèrse lo bazalt. Par kouple mitik-la, in morso la léjann i mélanje èk listoir. Mèmtan mwin té i souète rande in lomaj bann fanm épila zot rol dann maronaj. »