Po la marone èk lo marron inkonü

Landroi : Sin-Pol – La plasse la Mèri
Zané 2010-2011
Lartist : Dolaine Courtis Fuma
Skültir
Bazalt

Néna deu stèl lartist Dolaine Courtis Fuma la-skülté, lé dressé shak koté la grann porte lantré la méri Sin-Pol. I rande in lomaj toute bann maron ansanm marone inkonü. Konm lartist i di : « cé in rokonéssans po toute bann zésklav la niabou shapé épila la jamé rotrouve zot trasse ».

Dréssé lané 2010, « Po la marone inkonü » i roprézante inn lésklav la niabou konsèrve son domounité malgré lo bann shène, èl i done lamour èk la protèksyon. Momüman-la lé fé èk la rosh volkan, inn rosh i grafine, i rapèle lo maléré sor bann zésklav épila la koulër zot po.

Inogüré mois déssanm lané 2011, lo deuzièm morso, lo bononm, i apèle « Po lo maron inkonü », lé skülté an-bazalt parèy mèm.