Famiy maron
Simandèf èk Mariane

Landroi : Sin-Dni – Barashoi
Lartist : Marco Ah-Kiem
Skültir
Bazalt

Simandèf lé in lésklav maron sélèb i sorte Madagaskar. Lü la-prande lo nom Simandèf inn foi lü té lib, in nom malgash (Tsi, non pa, épila Mandevi, lésklav). Dapré deu-troi léjande lü té in lésklav robélion, lü la-sové po vive lib ansanm son madanm Mariane dann kër d’lil. Lü la-kale dann sirk Mafate, épila lü la-organize in komünoté maron.
Lané 1752 parla, lo shassër zésklav François Mussard la-tüé Simandèf ansanm Mariane. Zot deu la-lèsse zot nom dann lil. Lo Simandèf i arive 2228 m an-otër, lü sépare lo sirk Salazie èk Mafate, épila lü ashève par la krète la Mariane.
Tèrla, lo skültër Marco Ah-Khiem i amontre lo kouple i roprézante lo maronaj, i tienbo la min deu marmay, lo sinbol in famiy refé dann in téritoir lib.