Lésklav Mario èk la Vièrj noir

Landroi : Sinte-Mari
Lané 2008
Lartist : Marco Ah-Kiem
Skültir
Bazalt

In lésklav maron, i apèle Mario lé roprézanté deboute dovan lo pié la Vièrj, son min droite rouvèr konm po süpliye son favër.
Dapré la léjann lokal, jène lésklav-la té vandü in mové maitr’. Forstan lü té maltrété, lü sava maron, lü porte ansanm lü lo pti léstatü la Vièrj, son promié maitr’ lavé done alü. Lü trouve refüje dann inn pti grote, landroi i apèle la Vièrj Noir.
In jour lü antande bann shassër maron i arive. Konm lü la-poin lo tan d’shapé, lü poze son pti léstatü épila lü di in prière, lü domande akorde alü protèksyon. Toud’suite po toud’suite bouginvil la-komanse poussé, la-boushe lantré landroi té i protèje alü, la-anpèshe bann shassër arive sanm lü.