LIBRE

Landroi : Sin-Benoi – Rézidanse Fragrance
Lané 2001
Lartist : Thierry Fontaine
Skültir
Métal (lassié Corten)

Lané 1998, po lo 150èm lanivèrsèr labolisyon lésklavaj, Thierry Fontaine la- réalize mémorial-la. Inoguré lo 20 déssanm 2001, lü lé dann lantré la ville, par koté la rivièr dé Marsoin.
Lartist i krée in bann zimaj po porte méssaj, épila roprézante lo 5 lète lo mo « Libre ». Lartist la-grave, dessi son lëv an-lassié Corten, inn liste alfabétik èk parla 200 nom zésklav afranshi lo 20 mé 1948 La Rényon. Èk zot liberté bann zésklav, bononm konm madanm la-gaingne in nom patronimik.
Lartist i rande in lomaj po shak zésklav, épila lü ansèrve éksepré lo mo « Libre » o-singülié. Lo mot-la lé pa rienk in slogan répüblikin, lü amontre bien in lopozisyon dirèk èk lésklavaj. Mèm-tan lü rapèle la libèrté i konsèrne toute demoun. Lartiste alü ossi i doi ète lib dann shomin son kréasyon.