Mémorial bann zésklav

Landroi : Lantre-Deu – La plasse la Méri
Lané 2000
Lartist : Eric Pongérard
Skültir
Bazalt

Inogüré lo 20 désanm 2000, kréasyon-la i roprézante lo promié anparmi lo 7 skültir po fé in gran mémorial bann zésklav. Cé lo promié létap in shomin i sava jiska anlèr Dimitile, landroi lo plüs inportan po lo maronaj, in landroi la mémoir, in landroi sharjé èk nout listoir.
Éric Pongérard la-réalize skültir-la. Lo nom bann zésklav lé gravé dessi in soubasman orizontal an-granit. Par an-dessi néna in kolone èk plüzièr koush bazalt anpilé kolé èk mortié. In léstré lo poète Boris Gamaleya “Le chant des roches essuie son premier vol hors des manchys quelconques”, lé skülté dann in gro rosh pozé par-anba.