Nouvo kontribüsyon
Lésklavaz èk kültir la violanse dann Sin-loui (1770-1848)

In lartik lo paléograf Dominique Houchard la-ékrire.

Lésklavaz dann plantasyon cé in fénomène total, en promié akoz lü konsèrne diréktoman la majorité la popülasyon, mésoman ossi akoz cé lü k’i organize la maniér viv’ toute demoun. La violanse lé rokonü, lé jiska ankourajé dan la sossiété épila marké dan la loi. Inn rézon, lé konmsi lé normal brütalize demoun. Lèrk ou étüdié bann zarshiv la réjion Sin-Louis ou va trouve souvandéfoi in bonpé violanse politik.

Diféran katégori demoun i pratike bann zaksyon brütal, kissoi po ranforse zot dominasyon, sinonça po réziste loprésyon. La trète bann prizonié i tonbe lo plüs gran violanse. Lo kapayaz bann bononm èk madam i fé komanse, i ranforse épila i done lo droi ansérve la fors touléjour. Apréça, bann zaksyon brütal i kontinüé épila lé aranjé selon çak la bézoin po tienbo lordre dan la koloni.

Listoir la vi deu zésklav malgash, Diamfalam èk Isaac, èk çat la famiy Nairac, propriétér lo domèn Maison-Rouge Sin-Loui, i amonte bien lo gatür-malèr rantr’ bann tiktak demoun lokal èk lorganizasyon lo sistèm kolonialist ésklavajist, dessi toute la tèr.