Nouvo krontribusyon
Lo batay kontr’ la trète la marine fransé té i fé dann Losséan Indien dann deuzièm moitié 19èm sièk

In lartik listorien Raphaël Cheriau la-ékrire.

In brick portügué, le Pocha, té kapayé par la Prévoyante, in bato la marine fransé, lo 25 out 1840, pa tro loin Mayotte, dann kanal Mozanbik. Laksyon-la lété par rapor la loi lo 4 mars 1831, té po fini èk la trète dann toute bann téritoir fransé. Dessi le Pocha navé 220 bononm, fanm èk zanfan, toulpé ésklavizé. Lékipaj la Prévoyante “la-libère“ azot, la-oküpe de zot apréça la-débarke azot lo 13 oktob dann por Sin-Dni La Rényon po livre azot èk lo bann déssidër kolonial.

Légzanp lo kapayaj lo Pocha èk lo déstin lo bann demoun ésklavizé, apré zot “libérasyon“, i lèsse anou majiné lo parkoman épila lo rézülta, par rapor lo batay kontr’ la trète la marine fransé té i amène dann Losséan Indien, rantr’ zané 1840-1900. Ça i pèrmète anou ossi bien konprande lo bann rézon juridik èk politik lavé amène batay-la kontr’ la trète dann 19èm sièk.