Lo müzé istorik Villèle i rande in lomaj Édith Wong Hee Kam, in listoriéne, ékrivéz, shérshéz, po son travaïy la-marke po vréman bann konéssans listoir La Rényon.
Èl la-prézante son tèz doktora, La diaspora chinoise aux Mascareignes : le cas de La Réunion, lané 1994 dann l’Ecole des Hautes Etudes en Sciences Sociales. Sa lété anparmi bann promié travaïy déssi listoir bann popülasyon shinoi dann Losséan Indien. Dann lépok-la lo morso pëpléman La Rényon-la lété plizoumoin dann lonbraz, èl la-gaingne kouraj méte ali dann kër la roshérsh istorik, la-rouvér in shomin lézot shérshër la-suive dériér èl.
Dann son dérnié livr’, Entre mer de Chine et océan Indien, èl la-ashèv promié travaïy-la dann in roshérsh déssi bann migrasyon, langajism épila bann shomin bann komünoté shinoi. La Rényon la-pran, po arbrode tipa-tipa in mémoir parpiyé dépi lontan.
Nout müzé i vë ossi rokonéte son langajman dan lo travaïy déssi lo site internet lésklavaj La Rényon, i rogroupe bann konéssans siantifik déssi listoir la sossiété plantasyon, lésklavaj ék toute léritaz la-rèste po nou. Dann son bann lartik ék son bann dokümantér, sürtou déssi langajism shinoi, él la niabou déssote lo frontiér rantr’ lo sérië akadémik ék la transmission po toute domoun — in volonté an zarlor konm na pwin bonpé.
Par lo dégré sérië néna dann son bann roshérsh, son gran lanvi transméte épila son vré lamour po listoir son lil, Édith Wong Hee Kam i lésse po lontan, son part dann la mémoir lo pëp rényoné.
Nou pérde in dalone èk ossi inn colég an-lor. Akoz son léspértiz, son jénérosité dann partaj son konéssans épila son langajman shak-instan po transméte la konéssans, Édith Wong Hee Kam la done la min po éde anou mië konprann listoir La Rényon dann tout son divérsité. Sak èl la-aporte dan lo site intérnét lésklavaj La Rényon va réste po lontan konm in témoignaj par rapor son lanvi fé konét épila méte anlér nout patrimoine partajé.
Lire lartik Édith Wong Hee Kam publié dessi le site :
L’engagisme chinois à La Réunion
Bibliografi :
De Canton à Bourbon : les Chinois de l’île de La Réunion / Édith Wong-Hee-Kam. – Saint-Denis : Ed. CNH, 1993. – 31 p. : ill. ; 21 cm. – (Les Cahiers de notre histoire ; 41)
De Confucius à Qu Yan : humanisme, courage et poésie chez les lettrés chinois / Édith Wong Hee Kam. – Sainte-Marie : Azalées éditions, 2006. – 112 p. : ill. en noir et en coul. ; 24 cm.
Guan Yu – Guan Di : héros régional, culte impérial et populaire / Édith Wong Hee Kam. – Sainte-Marie : Azalées éditions, 2008. – 385 p. : ill. en noir et en coul. ; 25 cm
Le Commerce chinois à l’île de La Réunion : histoire des boutiques / Édith Wong Hee Kam. – Sainte-Clotilde : Orphie, impr. 2025. – 166 p. : ill. en noir et en coul. , couv. ill. en coul. ; 26 cm.
L’engagisme chinois : révoltes contre un nouvel esclavagisme / Édith Wong Hee Kam. – Saint-André : Océan éd., 1999.
– 72 p. ; 22 cm. – (20 désanm)
Pierre le métis (1909-1982) : récit de vie / Édith Wong Hee Kam. – [Sainte-Clotilde (Réunion)] : Éd. Orphie, impr. 2004.
– 141 p. : ill., couv. ill. ; 21 cm. – ( Autour du monde)
L’orchidée de Canton : roman / Édith Wong Hee Kam. – [Saint-Denis (La Réunion)] : Orphie, DL 2017. – 90 p. ; 20 cm.
– ( Collection Différences)
Entre mer de Chine et océan Indien : roman / Édith Wong-Hee-Kam. – Sainte-Clotilde : Orphie, 1999. – 203 p. : couv. ill. ; 21 cm. – (Autour du monde)
J’ai tellement cherché ton ombre : roman / Édith Wong Hee Kam. – [Saint-Denis (La Réunion)] : Orphie, DL 2020.
– 109 p. ; 20 cm. – ( Collection Différences)
